Um ágæti sunds

Sundið heilar og heilsu bætir.

Hressir lund og andann kætir.

Bringa og skrið.

Finn í gufu frið.

Dagurinn svo glaður mætir. 

Limra samin 25. sept 2025

Stefnubreyting stuð og veisla.

Stend með mér og kraftinn beisla.

Á réttri leið,

sú er greið.

Sendi frá mér bjarta geisla.

 

Nýjasta limran frá því rétt áðan

Að hoppa í sjóinn er sérlega gott.

Svamla´ út að kaðli og skunda í pott.

Nærir og gefur.

Mátt mikinn hefur.

Á eftir er húðin svo mjúk og svo flott. 

Limra gærdagsins

Laufin gulna og roðna trjánum á.

Og vindurinn reynir að rífa frá.

Skuggar lengjast.

Sumir engjast.

Lífið er alls konar beint og á ská. 

Tvær nýjustu urðu til 21. og 22. sept. 2025

Minningar og magnaður tími.

Mun festa þær með hugar-lími.

Keðja traust.

Ég er hraust.

Bráðum flyt í nýrra, minna rými.,

Þegar orðin mæta mörg í hnapp,

með heljarinnar keppnis-kapp.

Hvað skal gera?

Fleira hlera.

Gefa má þá eitt gott klapp.

Ein síðan í gær 03.09

Alheimurinn og andinn eru með mér í liði.

Og allt á fullkomnu hressandi skriði.

Muna að njóta,

ekki skal þjóta.

Gamla lífið kveð sátt og með friði. 

Tvær limrur

Ekki vil ég vera að rella.

Vitleysa og alger della.

Bölv og ragn,

gera´ei gagn.

Staðurinn í dag er Hella.

Stundum er gott að staldra við.

Stilla mörk og skoða mið.

Virðist létt,

er svo rétt.

Svo má líka breyta um svið.

Limra og ferskeytla

 28/8

Trítla´af stað með stóran poka.

Stutt að fara, engin þoka.

Nálgast fisk,

á minn disk.

Ekki mun ég lengi doka.

29/8

Tíminn æðir ógnar hratt.

Ekki er að bíða.

Tikka´ í boxin, tækla bratt.

Tilboð er að smíða.

Ein í gær og önnur áðan

26/8:

Leiðist ekki limru að semja.

Líka vil ég andann temja.

Virkar vel

að ég tel.

Þarf mig sjálfa þó að hemja.

27/8:

Velja þarf um stað og stund.

Stefna á að hafa fund.

Breyta til.

Það ég vil.

Græðir margt og léttir lund.

Þessi varð til í gær 25.8.25

Inn í daginn glöð ég geng.

Geymi með mér vonar streng.

Allt er gott

ég svo flott.

Þótt ég sé í pissu spreng.

Tvær nýjar limrur samdar 23. og 24. ágúst 2025

Langt er síðan limru smeið.

Skal nú byrja nýja leið.

Finna tíma.

Láta ríma.

Þá verður aftur leiðin greið.  (23/8)

Stend í ströngu, það er magnað.

Stefni áfram, get ei þagnað.

Velja rétt.

Vanda frétt.

Læt mig varða allan hagnað.

Nýjasta limran, samin í gær 4.5.2025

Andinn óþekkur neitar að mæta.

Ýmislegt fyrst þurfi´ aðeins að bæta.

Reyni að laga.

Allt önnur saga.

Gefst ekki upp, ekki séns, ekki glæta!

Ætli andinn sé að vakna aftur?

Sólin ætlar að sýna sig.

Stafa geislum, kalla á mig.

Búin í sundi.

Kannski skundi.

Gönguferð gefur einnig stig.

Steingrímur Ari fermdur 17. apríl 2025

 Ungur maður Jesú mætir

magnað lífið er.

Veisla með vinum alltaf kætir

við skulum hafa gaman hér.