Limra um holur

Hann ætlar um holur að semja.

Hvernig þær kannski eigi að hemja.

Á vegunum víða.

Alls ekki prýða.

Svo hvernig má ástandið temja?

Tvö ný í morgun

Eins konar hæka:

Dagurinn rétt að byrja.

Hlusta á þögnina.

Svo skelli ég mér í sund.

Limra:

Að mana fram andann er eilítið puð.

Orðin í kollinum mynda smá suð.

Bros´ út í annað.

Alls ekki bannað.

Þegar allt smellur, verður hressandi stuð.

Bráðum ári eldri

Bráðum skellur á mig enn eitt árið.

Æðir tíminn hratt sem mesta fárið.

Tek því bara,

engu að svara.

Lundin létt og loksins búin´ að klippa hárið.

Þriðja limra ársins "fæddist" í gær

Alltaf gott að hugsa mál til enda.

Á kosti´ og galla má þá líka benda.

Kannski skýrslu skili.

Gef þó ekkert upp í bili.

Í kosmosið má góða strauma senda. 

Önnur limran 2026 varð til í gær 12.01

Mana fram andann og orðunum safna.

Engu að lofa samt fáu að hafna.

Lífið er skrítið.

Ekki svo lítið.

Allt gengur vel, margt að vaxa og dafna.

Fyrsta limran nýs árs var samin 1.1.2026

Að svamla í sjónum og kæla sig vel.

Síðan í gufu ég nokkra stund dvel.

Fer aftur í kalt.

Það er mjög svalt.

Minni þá kannski á forvitinn sel.

29.11.2025

Stöku sinnum limrur smíða. 

Sem um reynslu ef orðin bíða.

Skrýtnar sumar. 

Andinn þrumar.

Þessi fær að flakka víða.

Eftir göngu túr 061125

 Að rölta um hverfið og umhverfið skoða.

Skrefunum safna og sjá ýmislegt til boða.

Skemmtilegt nokk.

En fer ekki´ á skokk.

Enn eina limruna nú búin að hnoða.

Í bítið

Ágætur vani að vakna í bítið.

Virkja margt, bæði stórt og lítið.

Dagarnir betri

með alls konar letri.

Þetta er ekkert svo skrítið. 

Næturbrölt

Áföll eru alls konar, bæði slæm og góð.

Úr þeim þarf að vinna í reynslu-banka-sjóð.

Sumt skal betur skoða,

að ekki reynist froða.

Um eitt og annað verð þá afar mikið fróð.

Vetur og tilvonandi innkaup

Nú færist yfir kuldi´ og vetrar-húm.

Og kannski sumir hugsa´ um drauginn Glúm.

Í Krónu er stutt.

Er því sem næst flutt.

Mig vantar samt sófa, stól og nýtt rúm. 

Í tilefni flutninga

Dót eða drasl eða óþarfa glingur.

Dæma það strax eða sjá gegnum fingur.

Dugleg að flokka.

Á svo marga sokka.

Þetta er slattin en brátt lokast hringur.

Um ágæti sunds

Sundið heilar og heilsu bætir.

Hressir lund og andann kætir.

Bringa og skrið.

Finn í gufu frið.

Dagurinn svo glaður mætir. 

Limra samin 25. sept 2025

Stefnubreyting stuð og veisla.

Stend með mér og kraftinn beisla.

Á réttri leið,

sú er greið.

Sendi frá mér bjarta geisla.

 

Nýjasta limran frá því rétt áðan

Að hoppa í sjóinn er sérlega gott.

Svamla´ út að kaðli og skunda í pott.

Nærir og gefur.

Mátt mikinn hefur.

Á eftir er húðin svo mjúk og svo flott. 

Limra gærdagsins

Laufin gulna og roðna trjánum á.

Og vindurinn reynir að rífa frá.

Skuggar lengjast.

Sumir engjast.

Lífið er alls konar beint og á ská. 

Tvær nýjustu urðu til 21. og 22. sept. 2025

Minningar og magnaður tími.

Mun festa þær með hugar-lími.

Keðja traust.

Ég er hraust.

Bráðum flyt í nýrra, minna rými.,

Þegar orðin mæta mörg í hnapp,

með heljarinnar keppnis-kapp.

Hvað skal gera?

Fleira hlera.

Gefa má þá eitt gott klapp.

Ein síðan í gær 03.09

Alheimurinn og andinn eru með mér í liði.

Og allt á fullkomnu hressandi skriði.

Muna að njóta,

ekki skal þjóta.

Gamla lífið kveð sátt og með friði. 

Tvær limrur

Ekki vil ég vera að rella.

Vitleysa og alger della.

Bölv og ragn,

gera´ei gagn.

Staðurinn í dag er Hella.

Stundum er gott að staldra við.

Stilla mörk og skoða mið.

Virðist létt,

er svo rétt.

Svo má líka breyta um svið.

Limra og ferskeytla

 28/8

Trítla´af stað með stóran poka.

Stutt að fara, engin þoka.

Nálgast fisk,

á minn disk.

Ekki mun ég lengi doka.

29/8

Tíminn æðir ógnar hratt.

Ekki er að bíða.

Tikka´ í boxin, tækla bratt.

Tilboð er að smíða.