Lífsins beygjur

undarlegar og krókóttar
holóttar og hæðóttar
djúpar niður
brattar upp
oftast er samt gaman

eitt er hugsað
annað framkvæmt
ó hvað allt er
furðulegt
en ekki er gefist upp

stundum hraðar
stundum hægar
engar eru eins
best er samt að staldra við
og njóta augnabliksins

Sumarbústaðarfílingur

Friðsælt og fagurt í sveitinni er
flugnasuð og erla.
Ósköp er gott að vera hér
enda er þetta perla.

(Reykjaskógi 13. ág. 2007)

Hópefli orðanna

Í halarófu héldu´ af stað
hress og kát að vanda.
Einhver þurftu að fara´í bað
og sumum þurfti að landa.

Þankar

hugsanir þeytast
hratt um
hugann
staldra stutt við
og skjótast
útí bláinn

Afmælisstökur

Bjarni 60

Bjarni minn þú brosir mest
bikar þér til handa.
Oft þú skondnar skrýtlur lest
skapar góðan anda.

--------------------

Kristinn 70

Kristinn þú ert þarftur bróðir
þokkalega kátur.
Pistlar þínir þykja góðir
þeir alltaf vekja hlátur.

Eftir þeim bíðum alltaf spennt
ekkert styttir biðina.
Okkur getur ætíð kennt
að sjá skoplegur hliðina.

-------------------------------

hljóðar óskir

í kollinum
hljóðar óskir
um
svo margt

engar vilja
þær þó rata
á blaðið
og opinberast

ég vildi óska
að orðin
streymdu
létt og liðugt
eins og
á

hugsa óskir mínar
og bíð
átekta

Nýr dagur nýtt ljóð - eða hvað

ljóðið skrifaðist

af sjálfu sér

orðin

röðuðu sér niður

oft í skrýtinni

röð

sum orð aftast

önnur fremst

einhver þar

á milli

sum orð í hópum

önnur ein og sér

en þau voru

þarna

merkingin stundum

lítil

sem engin

bara orð

sem stóðu

saman

eða í sundur