Samin í kalda pottinum 16. janúar sl.

Þetta ár verður kröftugt og gott. Fer oft í sjóinn og kaldan pott. Les og prjóna mér sjálfri þjóna. Þetta plan finnst mér vera flott.

Þessi varð til í gufubaðinu í morgun

 

Á færibandi limrur smíða.

Orðin að mér sækja víða.

Ég er til,

meira vil.

Fyllist aldrei ljóðasíða.

Tvær nýjar limrur

Andinn kom í heimsókn kátur kætti mig og vakti hlátur. Það er gott. Limra flott. Leysi kannski lífsins gátu.

Andinn helltist yfir mig.

Í símann gríp, það borgar sig.

Raða orðum,

allt í skorðum.

Skora jafnvel nokkur stig.

Lífsins á

Lífsins áin streymir fram í biðu og belgi.

Og safnast sums staðar í svelgi.

Njótum núna.

Ekki missa trúna.

Það er enn og aftur að koma helgi.

Morgunlimra

Þegar andinn að mér sækir

og fram spretta frasar sprækir.

Safna orðum.

Allt í  skorðum.

Ekkert annað málin flækir.

Tvær nýjar limrur

Í keilu hef ég fengið fellu. Fyrir ýmsu hef ég dellu. Les og prjóna, eða í sjónum lóna. En núna stödd á Hellu.

Eftir sund á kjörstað fór

og atkvæðið á seðil stór.

Nýtti vel

að ég tel.

Og nú með hvítt en ekki bjór.

Limra sem vakti mig um miðja nótt

Vetur nálgast smátt og smátt.

Sumar liðið, haustið brátt.

Þá skal slaka,

kannski baka.

Um það verður einhver sátt.